فوٹو کہانی

گورنر میاں اظہر ہوں اور ان کے ساتھ چہل قدمی کرنے والا کوئی فتنہ پرداز ہو اور گورنر ہاؤس کی بھول بھلیاں ہوں تو پھر کوئی بھی انہیں روک کر کہہ سکتاہے کہ ا پنی شناخت کروائیں۔ یہ ایک سچا واقعہ ہے، سن لیجئے۔
میاں اظہر کہتے ہیں کہ گورنر ہاؤس میں وہ اپنے آپ کو قیدی تصور کرتے تھے، کام تو تھا کوئی نہیں، دو چارفائلیں،چند ایک ملنے والے، باقی وقت گزارنا مشکل ہو جاتا، ایک روز انہیں ایک صاحب ملنے آئے، ترنگ میں آ کر گورنر بہادر نے کہا کہ چلئے باہر کھل کر باتیں کرتے ہیں،کچھ دور گئے ہوں گے کہ دیکھا ایک شخص سائے کی طرح ان کے ساتھ لگا ہے، یہ توتنہائی چاہتے تھے، مگر یہ سایہ ان کے ساتھ ساتھ چپکا رہا، آخر تنگ آ کر اسے کہا کہ تم کون ہو اور کیوں تعاقب کر رہے ہو، اس سائے نے ہونٹوں کو جنبش دی اور بتایا کہ وہ انٹیلی جنس کا اہل کار ہے اور سرکاری کتاب کے مطابق اسے گورنر کی حفاظت کے لئے ساتھ ہی رہنا ہے، انہوں نے اسے کسی طرح قائل کر لیا کہ وہ انہیں تنہا چھوڑ دے، اور حفاظت کی فکر نہ کرے، سو یہ مزید آگے چلتے رہے، گورنر ہاؤس میں ایک پہاڑی ،ا س پر ایک جھیل ہے اور پر پیچ راستے، ایک موڑ پر کوئی صاحب ٹھک سے ان کا راستہ روک کر کھڑے ہو گئے۔ اور چلا کر بولے، اپنی شناخت کراؤ، انہوں نے لاکھ کہا کہ میں لاٹ صاحب بہادر ہوں مگر وہ نہ مانا ، آخر انہوں نے اپنے ملٹری سیکرٹری کو طلب کیا اور اس نےآکر تصدیق کی کہ یہ حضرت واقعی سے گورنر ہیں تو اس شخص نے ان کی جان چھوڑی۔
ہر کہانی کا ایک سبق ہوتا ہے،ا س کہانی کا سبق یہ ہے کہ بندہ شکل و صورت سے گورنر نہ لگتا ہو تو منہ سے کہنے سے گورنر نہیں ہو جاتا، اس گورنر ہاؤس کے مکینوں کو ایک گورنر یاد ہے ا ور وہ ہے۔ نواب آف کالاباغ۔باقی ہر ایک کو ملٹری سیکرٹری کے ذریعے کسی گارڈ سے اپنی جان چھڑوانی پڑتی تھی۔ کچھ کے تو لچھن بھی مشکوک قسم کے تھے۔
میاں اظہر کہتے ہیں کہ یہ جو ان کا رستہ روکنے والی حرکت ہے، یہ اب بھی ان کے ساتھ جاری ہے ، وہ راوی ٹول پلازہ پار کرتے ہیں یا کسی چوک پر کھڑے ہوتے ہیں تو وہاں کوئی روک لیتا ہے، یہ پوچھتے ہیں، کیا غلطی ہوئی، اہل کار آگے سے دست سوال دراز کر دیتا ہے ،میاں جی ! کچھ خدمت کرتے جائیں۔
تو آپ نے گورنر کے طور پر اپنےآپ کو قیدی کیوں سمجھ لیا۔

APP01-25
ISLAMABAD: February 25 – An archer aiming the target during traditional Pukhtun game during Social Sciences Expo-2016 held at Pak-China Friendship Centre. APP photo by Javed Qureshi

اس کی وجہ سن کرآپ بھی ہنسیں گے، کہتے ہیں کہ کیمپ جیل یاکوٹ لکھپت جیل سے صبح سویرے کچھ قیدیوں کو بند گاڑیوں میں ڈال کر عدالتوں میں لایا جاتا ہے، مجھے بھی ایسے لگتا تھا کہ میرے آگے پیچھے گاڑیاں اسی طرح مجھے محاصرے میں لے کر گورنر ہاؤس لے آتی ہیں ا ور واپس گھر چھوڑ آتی ہیں۔
تو آپ گھر کیوں رہتے تھے، گورنر ہاؤس میں بسیرا کیوں نہیں کیا۔
یہ الگ کہانی ہے۔جب گورنر بنا تو ٹکا خان وہاں رہائش پذیر تھے، کوئی ہفتے دس دن بعد میرے پاس آئے اور کہنے لگے کہ اجازت ہو تو رہائش کا انتظام ہونے تک یہاں رہ لوں، میں نے کہا کہ آپ مستقل ہی یہیں رہیں، میں تو اپنے گھر رہنا پسند کروں گا۔
اور سناہے آپ نے ٹکا خان کے بیٹے کو ملٹری سیکرٹری کے طور پر برقرار رکھا۔
ہاں ، وہ پہلے سے وہاں تھاا ور میرا دل نہیں مانا کہ اسے فارغ کروں، سوچے گا کہ باپ نہیں رہا تو نوکری بھی نہ رہی۔مگر مجھے اپنی نرم دلی کی بھاری قیمت اد اکرنا پڑی ،پہلے روز ہی سازشی حرکت میں آ گئے اور کھسر پھسر شروع ہو گئی کہ یہ تو اندر سے پیپلیا ہے۔اسی لئے پیپلز پارٹی کے مقرر کردہ گورنر کے بیٹے کو ملازمت سے نہیں نکالا۔
یہ کھسر پھسر کا سلسلہ تو آخر تک آپ کا پیچھا کرتا رہا۔

APP24-18
ISLAMABAD: February 18 – High Commissioner of Australia Ms. Margaret Adamson called on Speaker National Assembly Sardar Ayaz Sadiq at Parliament House. APP

یہ صحیح بات ہے، میاں نواز شریف کی حکومت ٹوٹی تو میں نے بھی استعفے دے دیا، میں نے سوچا کہ میں جن کا نامزد کردہ ہوں ، ان کی حکومت نہیں رہی تو اس منصب سے چمٹے رہنے کا میرے پا س کوئی جواز نہیں ہو گا، میں نے کوئی غلط کام نہیں کیا، یہ ایک اصولی فیصلہ تھا مگر وہ دن اورآج کا دن میاں نوااز شریف یہ سمجھتے ہیں کہ مجھے مستعفی نہیں ہونا چاہئے تھا، میں گورنر ہاؤس میں رہ کر ان کی مد دکر سکتا تھا ۔ مگر مجھے معلوم تھا کہ مجھے غلام اسحق ایک لمحے کے لئے برداشت نہں کرے گاا ور میں خودگھر چلا گیا۔میاں صاحب کو میری یہ حرکت پسند نہیں آئی، اور باہمی تعلقات میں ایک دراڑ آ گئی جو اب تک چلی آ رہی ہے۔
میاں اظہر اب سیاست میں متحرک اور سرگرم نہیں ہیں ، ان کا بیٹا حماد سیاست کرتا ہے ، یہ دکان پر بیٹھتے ہیں یاکھیتی باڑی میں مشغول رہتے ہیں۔
مگر وہ یک بھول بسری کہانی نہیں ہیں۔
میاں اظہر دریا کی ایک موج ہیں جو کنارے سے ٹکراتی ہے ، واپس پلٹتی ہئے ا ور پھر کنارے کا رخ کرتی ہے، وہ گھنے سیاہ کڑکتے بادلوں کے پس منظر میں چمکنے والی بجلی کی لہر ہیں جو یکایک آنکھیں چوند کر کے رکھ دیتی ہے۔ مگر اس کی دلکشی ذہنوں میں بسیرا کر لیتی ہے۔

میئر کے طور پر ان کا احتساب تاریخ کا یاد گار باب ہے، انہوں نے بیڈن روڈ پر ماموں جان کے تھڑے کو گرا کر اپنے احتساب کا ڈنکا بجایا۔ یہ ماموں جان آج کے وزیر اعظم کے ماموں جان تھے۔یہی وزیر اعظم جونیب سے کہتے ہیں کہ معصوم اور شریف لوگوں کا تنگ مت کرو۔مگر گورنر اظہر کو حضور پاک ﷺ کا یہ ارشاد یاد تھا کہ میری بیٹی فاطمہ رضی اللہ تعالی عنہا بھی چوری کرے گی تو اس کے ہاتھ بھی کاٹ دوں گا ۔ میئر اظہر نے بے لاگ آپریشن کیاا ور شہر کا حلیہ تبدیل کر دیا، وہ گورنر بنے تو انہیں لااینڈ آرڈر کا چارج بھی دیا گیا، یہ آئین ا ور قانون سے ماورا ذمے داری تھی مگر افہام وتفہیم سے تفویض کی گئی تھی، گورنر اظہر نے اس آپریشن میں مجرموں پر ہاتھ ڈالا تو پتہ چلا کہ یہ سب تو حکمران ارکان ا سمبلی کے باڈی گارڈز تھے ۔ ایک ہا ہاکار مچ اٹھی۔ ارکان ا سمبلی نے پہلے پولیس کو بھڑکایا ۔ آئی جی پولیس نے گورنر سے کہا کہ یہ ہمارا کام ہے، ہمیں وسائل دیں اورہمیں کرنے دیں، گورنر نے کہا کہ آپ کے پاس سرے سے انٹیلی جنس ہی نہیں، آپ کو ایف سولہ بھی دے دوں تو آپ سارے میزائل کسی نہر میں گرا کرآ جائیں گے۔ ارکان اسمبلی نے وزیر اعلی غلام حیدر وائیں کو کھڑا کیا کہ یہ تو آپ کے اختیارات میں دخل ا ندازی کے مترادف ہے، یوں میاں اظہر کے پر کاٹ دیئے گئے اور ارکان اسمبلی کے پالتو غنڈے شیر ہو گئے۔

ISLAMABAD: CM KP Pervez Khattak, Federal Ministers Ishaq Dar and Khwaja Asif talking to the media after signing the agreement regarding resolution of KP issues with Federal Government. INP PHOTO

آج فوج ، رینجرز ، نیب، ایف آئی کے پر کاٹنے یا ناخن تراشنے کی باتیں ہو رہی ہیں۔
میاں اظہر والی کہانی دہرائی جا رہی ہے، کہانی بھی وہی ہے، کردار بھی وہی ہیں اور انجام بھی وہی نظرآتا ہے۔