خبرنامہ پنجاب

راولپنڈی (آئی این پی) اڈیالہ جیل راولپنڈی میں پیر کی صبح قتل کے دو مجرموں کو تختہ دار پر لٹکا دیا گیا ۔ اڈیالہ جیل حکام کے مطابق قتل کے دو مجرموں طاہر حسین اور چن زیب کو پیر کی صبح پھانسی دیدی گئی ۔ دونوں مجرموں نے 2003 میں تھانہ صادق آباد راولپنڈی میں ایک ڈکیتی کے دوران مزاحمت پر دو افراد کو قتل کردیا تھا ۔ جیل حکام کے مطابق پھانسی دینے کے بعد دونوں مجرموں کی موت کی تصدیق ہونے پر نعشیں ورثا کے حوالے کر دی گئی ہیں ۔