خبرنامہ پنجاب

اسلام آباد(آئی این پی)سپریم کورٹ نے این اے 19 ہری پور سے عمر ایوب کی نظرثانی درخواست پر سماعت کیلئے خصوصی لارجر بینچ تشکیل دینے کا حکم دے دیا ہے ۔ چیف جسٹس انور ظہیر جمالی کی سربراہی میں تین رکنی بینچ نے سماعت کی ۔ عمر ایوب نے ڈی سیٹ کیے جانے کیخلاف نظرثانی درخواست دائر کر رکھی ہے ۔ عدالت عظمیٰ نے درخواست پر سماعت کیلئے خصوصی لارجر بینچ تشکیل دینے کا حکم دے دیا ہے ۔ سپیشل بینچ میں جسٹس گلزار احمد اور جسٹس شیخ عظمت سعید کو بھی شامل کیا جائے گا ۔ سپریم کورٹ نے فریقین کو نوٹسز جاری کر دیئے ۔ رجسٹرار آفس کو بینچ تشکیل دے کر معاملہ دو ہفتوں میں سماعت کیلئے مقرر کرنے کی ہدایت کی گئی ہے ۔