خبرنامہ پنجاب

لاہور:(ملت+آئی این پی) بلدیاتی انتخابات میں کامیاب ہونے والے امیدواروں کا طویل انتظار ختم‘لارڈ میئر لاہور کرنل ریٹائرڈ مبشر جاوید سمیت ضلعی ایوان کے 319 ممبران نے اپنے عہدوں کا حلف اٹھا لیا‘ نیا بلدیاتی نظام کل 2 جنوری سے لاگو ہوگا۔تفصیلات کے مطابق لارڈ میئر لاہور کرنل ریٹائرڈ مبشر جاوید اور 9 ڈپٹی میئر سمیت لاہور کی 274 کونسلز کے چیئرمیز، مخصوص نشستوں پر منتخب ہونے والی 25 خواتین، لیبراور ٹیکنوریٹس کی نشستوں پر منتخب ہونے والے ممبران سے ریٹرنگ افسر مسعود محمود تمنا نے حلف لے لیا، حلف برداری کی تقریب ٹاؤن ہال میں منعقد ہوئی ڈپٹی میئرز کی نشستوں پر منتخب ہونے والوں میں رانا اعجاز احمد حفیظ، چوہدری وسیم قادر، راشہاب الدین، حاجی اللہ رکھا، سواتی خان، مشتاق مغل، میاں محمد طارق، چوہدری بلال احمد اور مہر محمود شامل ہیں۔