خبرنامہ پنجاب

لاہور(آئی این پی) ایک ہفتے قبل مصر میں دریائے نیل کی سیر کے دوران کشتی کو حادثہ پیش آنے پر ایک ہی خاندان کے4 افراد ڈوب کرجاں بحق ہوگئے تھے،چاروں افراد پاکستانی تھے جن کی لاشیں لاہور ایئر پورٹ پہنچا دی گئی ہیں۔تفصیلات کے مطابق پاکستان سے تعلق رکھنے والے تین خاندان کے دس افراد عید کے دن تفریح کے غرض سے دریائے نیل کی سیرکے لیے نکلے تھے کہ کشتی دریا میں بنے پل کے ایک ستون سے ٹکرا گئی اور توازن برقرار نہ رکھ سکی جس کے باعث کشتی میں سوار 10 افراد دریا میں جا گرے۔امدادی ٹیم نے بروقت پہنچ کر 10 میں سے 6 افراد کو بآحفاظت نکال لیا تا ہم غوطہ خور دیگر 4 افراد کو بچانے میں ناکام رہے،ہلاک ہونے والوں میں خآندان کے سربراہ فیصل آفاق خان اْن کی اہلیہ ثناء عروج اور بیٹی آمنہ شامل ہیں جب کہ ایک اور بیٹی رومیسا کی لاش تاحال نہیں مل سکی ہے۔تینوں افراد کی میتوں کو بدھ کو لاہور ایئر ہورٹ پہنچا دیا گیا ہے جہاں میڈیا سے بات کرتے ہوئے اہل خانہ کا کہنا ہے کہ فیصل آفاق خان کئی برسوں سے ملازمت کی غرض سے مصر میں مقیم تھے،اہل خانہ نے میتیں تدفین کے لیے اپنے ہمراہ لے گئے۔