خبرنامہ پنجاب

راولپنڈی: (آئی این پی) حساس ادارے نے انتہائی مطلوب بلوچ علیحدگی پسند رہنما سکندر عرف استاد گوارو کو راولپنڈی کے قریب سے زخمی حالت میں گرفتار کر لیا ہے ۔ ذرائع کا کہنا ہے کہ کالعدم بلوچستان لبریشن فرنٹ کے اہم کمانڈر کو زخمی حالت میں راولپنڈی کے قریب ایک ضلع سے گرفتار کیا گیا ، بارودی سرنگ کے پھٹنے سے زخمی علیحدگی پسند کمانڈر ایک نجی ہسپتال میں زیر علاج تھا ۔ کمانڈر سکندر عرف گوارو کے پنجاب میں سہولت کاروں کی تلاش بھی شروع کردی گئی ہے ۔