شیخوپورہ (آئی این پی ) کالاشاہ کاکو انٹر چینج پر شدید دھند کی وجہ سے متعدد گاڑیاں آپس میں ٹکرا گئیں جس کے نتیجے میں دو افراد جاں بحق اور سو سے زائد زخمی ہوگئے۔منگل کو پولیس کے مطابق حادثہ شدید دھند کی وجہ سے پیش آیا۔ ڈرائیورز کو دھند کی وجہ سے ڈرائیونگ میں مشکلات پیش آرہی تھیں جس کے باعث انہیں احتیاط سے ڈرائیونگ کی ہدایت بھی کی گئی تھی ۔ حادثہ اتنا شدید تھا کہ متعدد افراد گاڑیوں کے اندر پھنس کر رہ گئے اور باہر نہ نکل سکے۔ اطلاع ملتے ہی مقامی پولیس اور ریسکیو اہلکار موقع پر پہنچ گئے جنہوں نے میتیں اور زخمیوں کو مقامی ہسپتال منتقل کیا جہاں انہیں طبی امداد دی جا رہی ہے۔ موٹر وے پولیس نے حادثے کی تحقیقات کا آغاز کر دیا ہے۔
خبرنامہ پنجاب
شیخوپورہ ، شدید دھند میں متعدد گاڑیوں میں تصادم ، دو افراد جاں بحق،100 سے زائد زخمی
![](http://www.millat.com/wp-content/uploads/2016/03/fdgdfgs.jpg)