خبرنامہ پنجاب

لاہور (ملت + آئی این پی) لاہور ائیر پورٹ کے روانگی لانج کے سامنے مامور ٹریفک وارڈنز ڈیوٹی سے غائب رہنے لگے، ایئر پورٹ انتظامیہ نے سی ٹی او لاہور طیب حفیظ چیمہ کو غیر ذمہ دار وارڈنز کے خلاف شکایت کر دی۔سول ایوی ایشن ذرائع کے مطابق علامہ اقبال انٹرنیشنل ائیرپورٹ کے بین الاقوامی روانگی لانج کے سامنے مامور ٹریفک وارڈنز اکثر ڈیوٹی سے غائب رہتے ہیں جس کی وجہ سے وہاں گاڑیوں کا رش بڑھ گیا ہے اور بعد میں آنے والے مسافروں کو رش کی وجہ سے شدید مشکلات کا سامنا کرنا پڑ رہا ہے لیکن ڈیوٹی کا علم ہونے کے باوجود بیلٹ نمبر 552 کے حامل ٹریفک وارڈن محمد عمران اور بیلٹ نمبر 2271 کے حامل ٹریفک وارڈن محمد امین مسلسل اپنی ڈیوٹی سے غائب رہتے ہیں جن کے خلاف شکایت چیف ٹریفک آفیسر لاہور طیب حفیظ چیمہ کو بھجوا دی گئی ہے تاکہ دونوں غیر ذمہ دار ٹریفک وارڈنز کی مجرمانہ غفلت کے خلاف سخت ترین کارروائی عمل میں لائی جا سکے۔