خبرنامہ پنجاب

لاہور(آئی این پی)لاہور پولیس نے سرچ آپریشن کرتے ہوئے چودہ مشکوک افراد کو حراست میں لے لیا۔ تفصیلات کیمطابق ڈی آئی جی آپریشن ڈاکٹر حیدر اشرف کی ہدایت پر پولیس نے لاہور کے علاقے گلشن اقبال میں سرچ آپریشن کیا۔ آپریشن کے دوران شناختی کوائف نا مکمل ہونے پرچودہ مشکوک افراد کو حراست میں لے لیا۔ پولیس نے بائیو میٹرک کے ذریعے لوگوں کی شناخت کی۔ سرچ آپریشن کے دوران ہوٹلوں ریسٹ ہاؤس کی تلاشی لی گئی۔ پولیس نے زیر حراست افراد کو مزید تفتیش کے لیے نامعلوم مقام پر منتقل کر دیا۔