خبرنامہ پنجاب

اسلام آباد (آن لائن) عوامی مسلم لیگ کے چیئرمین اور رکن قومی اسمبلی شیخ رشید نے کہا ہے کہ نواز شریف حکومت کرپشن کی تحقیقات پر بوکھلاہٹ کا شکار ہے اور وزراء کے بیانات سے لگتا ہے کہ یہ حکومت نہیں بلکہ کریانہ کی دکان ہے ۔ پارلیمنٹ ہاؤس میں صحافیوں سے غیررسمی گفتگو کرتے ہوئے شیخ رشید نے کہا کہ مارچ اور اپریل کے مہینے نواز شریف حکومت کیلئے بڑی اہمیت کے حامل ہیں ملک میں تبدیلی کا اشارہ دیتے ہوئے کہا کہ عوام حکمرانوں کی کرپشن سے تنگ آگئے ہیں ایک سوال کے جواب میں انہوں نے کہا کہ جب تک ملک میں پانچ خاندان اور ان خاندان کے 38بچے موجود ہیں عام آدمی حکومت میں نہیں آسکتا ایک سوال کے جواب میں انہوں نے کہا کہ اورنج لائن منصوبہ کا ٹھیکیدار نیب سے پلی بارگین کررہا ہے جبکہ شہباز شریف دعویٰ کررہے ہیں کہ کرپشن کا ایک ڈھیلا کی نہیں ہوئی انہوں نے کہا کہ وزارت قانون میں نیب کے نئے قانون لانے میں دن رات کام ہورہا ہے موجودہ وقت میں وزارت قانون ہی اہم کارنامے سرانجام دے رہی ہے شیخ رشید نے کہا کہ ایم کیو ایم سے کمال مصطفے کا جانا بڑا دھچکا ہے نئے آدمی نئی جماعت بنا کر اہم سیاسی کردار ادا کرینگے انیس قائم خانی اور مصطفی کمال کا ایم کیو ایم سے جانا الطاف حسین کے لئے بڑا دھچکا ثابت ہوگا جبکہ مزید رہنما بھی مصطفی کمال سے مل جائینگے ایک سوال کے جواب میں انہوں نے کہا کہ کرپشن پر شہباز شریف نواز شریف اور وزراء کے بیانات لگ الگ ہیں اور لگتا ہے کہ حکومت نہیں بلکہ پرچون کی دکان ہے