اسلام آباد (اے پی پی) کسٹم نے جہلم کے قریب کارروائی کرتے ہوئے ایک کروڑ روپے مالیت کا اسمگل کیا گیا سامان قبضے میں لے لیا ، دو اسمگلرز بھی گرفتار کر لئے گئے۔ اسلام آباد کسٹم حکام نے جہلم کے قریب بڑی کارروائی کرتے ہوئے بھاری تعداد میں اسمگل شدہ سامان ضبط کر لیا ۔ جبکہ دو اسمگلرز کو بھی گرفتار کر لیا گیا ۔ کسٹم حکام کے مطابق قبضے میں لیا گیا سامان راولپنڈی سے لاہور منتقل کیا جا رہا تھا جس کی مالیت ایک کروڑ روپے کے قریب ہے ۔ سامان میں بھارتی گٹکا، کپڑا ، ٹائر، انجن اور دیگر سامان شامل ہے۔ کسٹم حکام کے مطابق سامان مزید کارروائی کے لیے کسٹم گودام منتقل کر دیا گیا ہے ۔