خبرنامہ پنجاب

گوجرانوالہ:(آئی این پی)گھریلو تنازعہ پر باپ نے فائرنگ کر کے اٹھارہ سالہ بیٹے کو شدید ذخمی کر دیا،زخمی بیٹے کو ہسپتال منتقل کر دیا گیا۔ گوجرانوالہ کےتھانہ دھلے کے علاقہ افضل پورہ میں گھریلو تنازعہ پر باپ اکرم نے فائرنگ کر کے اپنے جواں سال بیٹے ہارون کو شدید ذخمی کردیا جیسے ریسکیو1122نے فوری طبی امداد کے لیے سول ہسپتال منتقل کردیا گیا ہے جہاں زخمی کو طبی امداد دی جارہی ہے۔ پولیس کے مطابق واقعہ کی تحقیقات شروع کر دی گئی ہیں تا ہم ابتدائی تفتیش سے پتہ چلا ہے کہ افضل پورہ کے رہائشی محمد اکرم کا اپنی بیوی کے ساتھ تنازعہ چل رہا تھا،اہلِ محلہ کا کہنا ہے کہ دونوں کے درمیان آئے دن گھر میں جھگڑے ہوتے رہتے تھے۔ آج بھی حسبِ معمول میاں بیوی میں تکرار جاری تھی کہ محمد اکرم نے غصے میں آکر اپنی بیوی پر فائرنگ کرنا چاہی،ماں کو بچانے بیٹا آیا تو گولی اسے لگ گئی،جس سے وہ شدید زخمی ہوگیا تھا،زخمی کو تشویشناک حالت میں ہسپتال منتقل کر دیا گیا،جبکہ ملزم اکرم کی گرفتاری کے لیے پولیس چھاپے مار رہی ہے۔ گھریلو جھگڑوں کے باعث ہونے والے حادثات پریشان کن حد تک عام ہوتے جارہے ہیں،عدم برداشت نے ہمارے مشترکہ خاندانی نظام کی جڑوں کوبھی کھوکھلا کر دیا ہے۔