قومی دفاع

بیجنگ:(اے پی پی) چین نے پاکستان کے آرمی چیف جنرل راحیل شریف کی دہشت گردی کا مقابلہ کرنے، امن کو یقینی بنانے اور علاقے کی ترقی کیلیے ان کے مضبوط موقف کی زبردست تعریف کی ہے۔ چین نے دہشت گردی کیخلاف4 ملکی گروپ کے حوالے سے جو جنرل راحیل شریف کے دورہ ارمچی کے دوران تشکیل دیا گیا ہے ، اُن کے کردار کو زبردست سراہا ہے۔ جنرل راحیل شریف نے اپنے دورے کے دوران چینی جنرل فانگ فینگ ہوئی سے بھی ملاقات کی۔ امن کے حوالے سے یہ ایک بڑی پیشرفت تھی جس سے دہشت گردی کے خلاف مشترکہ طورپر ہرممکن ذرائع اختیار کرکے کریک ڈاؤن کرنے سے جنرل راحیل شریف اور وزیر اعظم نواز شریف کے ٹھوس موقف کا اظہار ہوتا ہے۔