قومی دفاع

پشاور(آئی این پی) افغان فورسز کی اندھا دھند وحشیانہ فائرنگ کے نتیجے میں شہید ہونے والے میجر علی جواد کی نماز جنازہ پشاور گیریژن میں ادا کر دی گئی ، آرمی چیف جنرل راحیل شریف نے نماز جنازہ میں شرکت کی ، اس موقع پر آرمی چیف نے شہید کے بیٹے کو حوصلہ دیا اور شہید کی میت کو سلامی پیش کی ۔ نماز جنازہ میں پاک فوج کے دیگر اعلیٰ افسر بھی موجود تھے ، افغان فورسز کی فائرنگ سے شہید ہونے والے میجر علی جواد کا تعلق کوئٹہ سے تھا ، آرمی چیف نے نماز جنازہ کے بعد میجر علی جواد کے بیٹوں کو دلاسہ دیا اور میجر علی جواد کی مغفرت کیلئے دعا کی ۔