قومی دفاع

کراچی:(ملت+ات پی پی) ڈی جی رینجرزسندھ میجرجنرل محمد سعید نے کراچی آپریشن کو مزید مؤثر اور نتیجہ خیز بنانے کے احکامات جاری کردیئے۔ ترجمان رینجرز کے مطابق ڈی جی رینجرزسندھ میجرجنرل محمد سعید نے کراچی کے مختلف علاقوں لیاری، اورنگی، لانڈھی، کورنگی، لیاقت آباد،عزیزآباد، گڈاپ ٹاؤن کا دورہ کیا جہاں انہوں نے امن و امان کی صورتحال کا جائزہ لیا اور اس دوران افسران وجوانوں سے بھی ملاقات کی۔ ترجمان کے مطابق ڈی جی رینجرز کو سیکٹرکمانڈرز نے علاقے کی صورتحال اور جاری آپریشن کی حالیہ کارروائیوں پربریفنگ دی جب کہ میجر جنرل محمد سعید نے کراچی آپریشن کو مزید مؤثر اور نتیجہ خیز بنانے کے احکامات جاری کیے۔