خبرنامہ سندھ

اسلام آباد (اے پی پی) متحدہ قومی موومنٹ پارٹی آئین میں ترمیم کا مسودہ ایک ہفتے بعد بھی الیکشن کمیشن میں پیش نہ کر سکی ۔ کمیشن حکام کا کہنا ہے کہ آئین کے قابل عمل ہونے کیلئے الیکشن کمیشن میں پیش ہونا لازمی ہے ۔ متحدہ قومی موومنٹ نے ایک ہفتہ قبل پارٹی آئین میں ترمیم کر کے بانی ایم کیو ایم کا فیصلوں کی توثیق کا اختیار ختم کر دیا تھا ، مگر ابھی تک پارٹی آئین کا ترمیمی مسودہ الیکشن کمیشن میں پیش نہیں کیا جاسکا ۔ الیکشن کمیشن حکام کے مطابق الیکشن کمیشن میں موجود پارٹی آئین ہی قابل عمل ہوتا ہے ۔ متحدہ کے انٹرا پارٹی الیکشن کی مدت ختم ہو چکی ہے ، متحدہ کو اسی آئین کے تحت الیکشن کرانے ہونگے جو الیکشن کمیشن میں موجود ہے۔