خبرنامہ سندھ

کراچی: (آئی این پی) سی پی ایل سی نے کراچی میں بچوں کے اغوا سے متعلق گردش کرنے والی افواہوں کو سختی سے مسترد کیا ۔ سی پی ایل سی نے ایک بیان میں کہا ہے کہ رواں سال 6بچوں کے واقعات رپورٹ ہوئے جن میں سے 5 کو بازیاب کرالیا گیا ۔ ترجمان سی پی ایل سی نے اپنے ایک بیان میں کہا ہے کہ پی ایل سی کے پاس بچوں کے لاپتہ ہونے کے تمام اعداد و شمار موجود ہیں۔ سماجی رابطے کی ویب سائٹ بچوں کے اغواء کے اعداد و شمار میں کوئی حقیقت نہیں۔ ترجمان نے کہا ہے کہ کچھ بچوں کے لاپتہ ہونے کی بھی اطلاعات تھی مگر کئی بچے واپس اپنے والدین کے پاس آگئے ہیں تاہم ہر لاپتہ ہونے والے بچے کو اغواء نہیں کہا جاسکتا۔ترجمان سی پی ایم سی نے عوام سے اپیل کی ہے کہ اگر کسی کے پاس بچوں کے اغوا سے متعلق کوئی اطلاعات ہیں تو سی پی ایل سی کو 1102 پر دیں۔