خبرنامہ سندھ

حیدرآباد: (ملت+اے پی پی) معصوم شاہ کالونی میں گھر کی تیسری منزل میں ایک ہی خاندان کے پانچ افراد کی پراسرار ہلاکت، نیند کے دوران موت کی آغوش میں چلے گئے۔ پنتیس سالہ کفایت اللہ، اسکی بیوی شاہینہ اور تین بچے مردہ حالت میں پائے گئے۔ کفایت کی والدہ کے مطابق بدقسمت خاندان گیس ہیٹر لگا کر سویا تھا۔ ایس ایس پی کا کہنا ہے بظاہر لگتا ہے کہ اموات دم گھٹنے کے باعث ہوئیں۔ پولیس حکام کے مطابق پوسٹ مارٹم اور فرانزک رپورٹس آنے پر اصل وجہ سامنے آئے گی۔