خبرنامہ سندھ

گڑھی خدا بخش (مانیٹرنگ ڈیسک) پیپلز پارٹی کے بانی ذوالفقار علی بھٹو کی 38 ویں برسی پر گڑھی خدا بخش میں انتظامات مکمل کر لئے گئے آصف زرداری ، بلاول بھٹو اور وزیر اعلیٰ سندھ بھی نوڈیرو پہنچ گئے ۔ تقریبات میں شرکت کے لیے ملک بھر سے قافلے پہنچ رہے ہیں ۔ حکومت سندھ نے آج صوبے میں عام تعطیل کا اعلان کر رکھا ہے ۔ سابق وزیر اعظم ذوالفقار علی بھٹو کی برسی پر گڑھی خدا بخش میں گہما گہمی ، ملک کے مختلف شہروں سے قافلوں کی گاڑیوں اور ٹرین کے ذریعے لاڑکانہ آمد جاری ہے ، مزار اور جلسہ گاہ کو بینرز اور پارٹی پرچموں سے سجا دیا گیا ۔ استقبالیہ ، میڈیکل کیمپ اور کارکنان کے لئے 42 کیمپس لگائے گئے ہیں ۔ سیکورٹی انتظامات کے تحت 7 ہزار پولیس اہلکار تعینات ہیں ۔