خبرنامہ سندھ

کراچی:(ملت+اے پی پی) گورنر ہاؤس میں جسٹس ریٹائرڈ سعید الزماں صدیقی کی نماز جنازہ ادا کردی گئی۔ جسٹس (ر) سعید الزماں صدیقی کی نماز جنازہ گورنر ہاؤس کے سبزہ زار میں ادا کی گئی، نماز جنازہ میں قائم مقام گورنر آغا سراج درانی، وزیر اعلیٰ سندھ مراد علی شاہ اور وفاقی وزیر عبدالقادر بلوچ سمیت اعلیٰ ترین وفاقی و صوبائی قیادت، سیاسی جماعتوں کے رہنماؤں اور دیگر ممتاز شخصیات نے شرکت گی۔ ان کی نماز جنازہ مفتی تقی عثمانی نے پڑھائی۔ سابق چیف جسٹس آف پاکستان کو گزری کے قبرستان میں سپرد خاک کیا جائے گا۔ جسٹس (ر) سعید الزماں صدیقی نے 11 نومبر 2015 کو گورنر سندھ کی حیثیت سے حلف اٹھایا تھا تاہم اس وقت سے ہی وہ انتہائی علیل تھے جس کی وجہ سے وہ انتہائی اہم اجلاسوں میں بھی شریک نہیں ہوپاتے تھے۔