خبرنامہ سندھ

کراچی:(اے پی پی) میری ٹائم سیکورٹی ایجنسی نے سمندری حدود کی خلاف ورزی پر 2 بھارتی لانچیں قبضے میں لے کر 10 ماہی گیروں کو گرفتارکرلیا۔ میری ٹائم سیکیورٹی ایجنسی کی جانب سے سمندری حدود کی خلاف ورزی پر گہرے سمندر میں کارروائی کی گئی جس کے دوران 2 بھارتی لانچیں قبضے میں لیں جس میں 10 ماہی گیر سوار تھے۔ ترجمان میری ٹائم سیکیورٹی کا کہنا ہے کہ بھارتی ماہی گیروں کو کراچی منتقل کرنے کے لیے ٹیمیں روانہ ہوگئیں ہیں جب کہ گرفتار ماہی گیروں کو ڈاکس پولیس کے حوالے کیا جائےگا۔ گزشتہ ماہ سے اب تک بھارتی ماہی گیروں کی جانب سے سمندری حدود کی خلاف ورزی کا یہ تیسرا واقعہ ہے۔