ڈی جی رینجرز سندھ نے حیرت انگیز انشافات کر دیے
کراچی:(ملت آن لائن) ڈائریکٹر جنرل رینجرز سندھ میجر جنرل محمد سعید کا کہنا ہے کہ ماضی میں کراچی میں ہونے والی خونریزی سے فائدہ اٹھانے والا گروپ امید لگا کر بیٹھا ہے کہ دوبارہ موقع ملے تو واپس آئے مگر شہری بالکل خوف زدہ نہ ہوں۔ بانی پاکستان قائداعظم محمد علی جناح کے یوم پیدائش کی مناسبت سے کراچی میں سندھ رینجرز کے زیر اہتمام خصوصی تقریب کا انعقاد کیا گیا اس موقع پر اپنے خطاب میں ڈی جی رینجرز سندھ کا کہنا تھا کہ نوجوانوں کو آگے بڑھنے کے لئے بابائے قوم کے بہترین اوصاف کو سامنے رکھنا ہوگا۔ میجر جنرل محمد سعید نے کہا کہ کراچی کی اہمیت سے سب واقف ہیں، اس شہر کا اعزاز یہ ہے کہ اس نے قائد اعظم جیسے عظیم رہنما کا تحفہ دیا اور قائد کا احسان یہ ہے کہ اُنہوں نے ہمیں پاکستان جیسا عظیم وطن دیا ۔ ڈی رینجرز سندھ نے کہا کہ کراچی کے شہریوں کو کسی سے خوفزدہ ہونے کی ضرورت نہیں، اب کسی کو شہر کا امن خراب کرنے کی اجازت نہیں دی جائیگی۔
………………..
….اس خبر کو بھی پڑھیے….
وزیر تعلیم سندھ کا نیا انکشاف
کراچی:(ملت آن لائن) وزیر تعلیم سندھ جام مہتاب نے گزشتہ دور حکومت کے دوران صوبے میں 22 ہزار اساتذہ کی اضافی بھرتی کا انکشاف کیا ہے۔
وزیر تعلیم سندھ جام مہتاب اس سے قبل بھی اپنی ہی پارٹی کے دور حکومت میں جعلی بھرتیوں کا اعتراف کرچکے ہیں جس میں ان کا کہنا تھا کہ 2012 میں پیپلزپارٹی کے دورحکومت میں پیسے لیکر بھرتیاں کی گئیں۔
وزیر تعلیم سندھ کی اپنی ہی پارٹی کے دور میں اساتذہ کی جعلی بھرتیوں کی تصدیق
کراچی پریس کلب کے باہر این ٹی ایس پاس کنٹریکٹ اساتذہ کل سے اپنے مطالبات کےحق میں احتجاجی مظاہرہ کررہے ہیں۔
گزشتہ روز اساتذہ نے سندھ سیکرٹریٹ جانے کی کوشش کی تو پولیس نے ان پر لاٹھی چارج کیا۔
سندھ میں اساتذہ کے احتجاج پر جب وزیرتعلیم جام مہتاب ڈہر سے بات کی تو انہوں نے اس معاملے کی وجہ اضافی بھرتی قرار دیا اور 2012 میں اپنی ہی حکومت کے دور میں سندھ میں اساتذہ کی 22 ہزار اضافی بھرتیوں کا اعتراف بھی کیا۔