کراچی (آئی این پی) کراچی میں مون سون کی بارش آئی اور پھر شہر کے مختلف علاقوں کی بجلی اور پانی چلے گئے ۔ کے الیکٹرک کا نظام مکمل طور پر ٹھپ ہوگیا ۔ آٹھ سو سے زائد فیڈرٹرپ ہونے پر شہری سڑکوں پر نکل آئے اور رات احتجاج میں گزار دی ۔ شہر قائد میں کالی گھٹائیں آئیں پھر خوب برسیں ، موسم نے کروٹ لی ۔ شہریوں کے چہرے کھلے مگر زیادہ دیر خوشی سنبھال نہ سکے ۔ شہریوں کیلئے پے در پے مسائل کی برسات ہوگئی ۔ مون سون کی پہلی برسات نے ہر طرف پانی ہی پانی کر دیا ۔ وہیں کئی علاقوں میں بجلی اور پانی غائب ہوگئے ۔ ساون برسا تو جیسے کے الیکٹرک کیلئے امتحان بن گیا ۔ شہر کے 812 فیڈر ٹرپ کرگئے مگر کے الیکٹرک حکام کے دعووں اور غلط بیانی کا سلسلہ جاری رہا ۔ رات بھر گلستان جوہر ، فیڈرل بی ایریا ، ملیر ، لانڈھی ، کورنگی اور بلدیہ سمیت متعدد علاقے اندھیرے میں ڈوبے رہے ۔ طویل لوڈشیڈنگ سے تنگ شہری گھروں سے باہر نکلنے پر مجبور ہوگئے ۔ تیس فیصد شہر کو بجلی کی فراہمی معطل ہونے سے 26 کروڑ گیلن پانی بھی فراہم نہ ہو سکا ۔ لوگوں کو سحری کی تیاری میں بھی مشکلات کا سامنا کرنا پڑا ، گھروں میں پینے کیلئے پانی تک نہ رہا ۔ شہر کی 100 سالہ تاریخ میں اتنی بڑی تعداد میں کبھی فیڈر ٹرپ نہیں ہوئے ۔ کے الیکٹرک حکام گمراہ کن حقائق بیان کرکے عوام کی آنکھوں میں دھول جھونکتے رہے ۔ بارش کا آنا اور اس کے بعد بجلی کا جانا شہری انتظامیہ کیلئے ایک نئی آزمائش بن گیا ، مزید بارشیں نہ جانے شہریوں کیلئے کیا اور مسائل لیکر آئیں گی ۔
خبرنامہ سندھ
کراچی : بارش سےشہر میں بجلی کا نظام ٹھپ ہوگیا
![](http://www.millat.com/wp-content/uploads/2016/04/489165-electricityfile-1460324480-422-640x480.jpg)