خبرنامہ سندھ

کراچی:(آئی این پی) ضلع غربی سے گرفتار سیاسی جماعت کے ٹارگٹ کلر شکیل سنی نے تفتیش کے دوران اہم انکشافات کر دیئے۔ ملزم شکیل عرف سنی کے مطابق ٹارگٹ کلنگ کی ٹیم 6 ملزمان پر مشتمل ہے۔ ملزمان میں امتیاز مانا، ذیشان، موٹا چاند، حبیب، عثمان اور رضوان شامل ہیں۔ ٹارگٹ کلرز امتیاز عرف مانا اور رضوان گرفتار ہو چکے ہیں۔ ملزم شکیل سنی کے مطابق ٹارگٹ کلر شیخ محمد کلیم کراچی غربی کی یوسی 26 سے چیئرمین ہے۔ ٹارگٹ کلر ساجد بھی یوسی چیئرمین ہے۔ ٹارگٹ کلر مارشل شاہد ایف آئی اے کا ملازم ہے۔ ملزم شکیل عرف سنی نے ساتھیوں کی گرفتاری اور مفروری کے بعد اسٹریٹ کرائم شروع کر دیئے تھے۔