کراچی (مانیٹرنگ ڈیسک) کراچی میں گرمی کی شدت مزید کل تک برقرار رہنے کا امکان محکمہ موسمیات نے تسلی دے دی کہ موجودہ گرمی کی لہر خطرناک ہیٹ ویونہیں ، شہریوں کو گھبرانے کی نہیں احتیاط کرنے کی ضرورت ہے ۔ کراچی والوں کو خبردار کر دیا گیا کہ گرمی پھر اس بار ٹوٹ کر پڑے گی ۔ گرمی کی شدت سے بلبلاتے شہریوں کو پارہ اکتالیس ڈگری سے اوپر پہنچنے کا خوف ستانے لگا اور ساتھ ہی دو سال پرانا ہیٹ سٹروک ڈرانے لگا ۔ مگر گھبرانے کی ضرورت نہیں ۔ موسم کا حال بتانے والوں نے تسلی دی ہے کہ گرمی کی یہ لہر خطرناک نہیں ، جمعہ تک گرمی کی شدت کم ہوجائے گی ۔ محکمہ موسمیات نے عوام کو ساتھ ہی خبردار بھی کر دیا ۔ ہیٹ ویو آئی تو نہیں لیکن ٹلی بھی نہیں ۔ محکمہ موسمیات کا کہنا ہے کہ تمام ادارے رابطے میں ہیں ۔۔ شہریوں کو کسی بھی ممکنہ صورتحال کی پیشگی اطلاع دی جائے گی ، محکمہ موسمیات نے شہریوں کو گرمی میں کم سے کم نکلنے اورحفاظتی تدابیر اختیارکرنے کی بھی ہدایت کی ہے ۔ محکمے کی جانب ے کہا گیا ہے کہ اس بار درجہ حرارت 45 ڈگری سینٹی گریڈ تک جانے کا امکان ہے ۔
خبرنامہ سندھ
کراچی میں گرمی کی شدت کل تک برقرار رہے گی
![](http://www.millat.com/wp-content/uploads/2016/10/Hot-Weather.gif)