خبرنامہ سندھ

کراچی: (ملت+آئی این پی ) شہرقائد میں چلنے والی یخ بستہ ہواؤں کے باعث سردی کی شدت میں اضافہ ہوگیا ۔ سندھ اوربلوچستان میں گزشتہ ہفتے ہونے والی بارش اوربرفباری کے بعد چلنے والی یخ بستہ ہواؤں سے کراچی اوراس کے گرد ونواح میں سردی کی شدت میں اضافہ ہوگیا ۔ کراچی میں کم سے کم درجہ حرات 11 ڈگری سینٹی گریڈ ریکارڈ کیا گیا ۔ سردی بڑھنے سے جہاں گرم ملبوسات کی مانگ میں اضافہ دیکھا گیا وہیں بعض مقامات پرگیس پریشر بھی کم ہوگیا جس کی وجہ سے لوگوں کو مشکلات کا سامنا رہا۔ محکمہ موسمیات کا کہنا ہے کہ شہرمیں چلنے والی ہوا میں نمی کا تناسب 54 فیصد رہا اورآئندہ 2 روز کے دوران بارش کا بھی کوئی امکان نہیں تاہم مشرق سے آنے والی ہوائیں موسم کومزید سردکردیں گی۔