خبرنامہ سندھ

کراچی (ملت آن لائن) کراچی کے علاقے ماڑی پور میں ٹائروں کے گودام میں لگی تیسرے درجے کی آگ پر کئی گھنٹے بعد بھی قابو نہیں پایا جاسکا ۔ فائر بریگیڈ کی 10 گاڑیاں اور پاک بحریہ کے چار فائر ٹینڈر آگ پر قابو پانے میں مصروف ہیں ۔ کراچی میں ایک اور بڑی آگ لگنے سے سب کچھ جل کر راکھ ہوگیا ۔ رات گئے ماڑی پور گیٹ نمبر چھ میں ٹائروں کے گودام میں خطرناک آگ لگی ۔ آگ کے شعلوں نے دیکھتے ہی دیکھتے پورے گودام کو اپنی لپیٹ میں لے لیا ، اطلاع ملنے پر فائر بریگیڈ کا عملہ پہنچا ، چیف فائر آفیسر نے آگ کو تیسرے درجے کی قرار دیا ۔ گوادم میں کام کرنے والوں امدادی کاموں پر تحفظات کا اظہار بھی کیا ۔ پاک بحریہ کی ٹیموں نے بھی آگ بجھانے میں معاونت کی ۔ ترجمان کے مطابق پاک بحریہ کے چار فائر ٹینڈرز آگ بجھانے میں حصہ لیا ۔ آتشزدگی کے باعث علاقے میں دھویں کے بادل چھاگئے ، اس سے پہلے میمن گوٹھ میں ٹینٹ کے گودام میں آگ لگ گئی جس پر فائر بریگیڈ کی 3 گاڑیوں نے قابو پایا ۔