کراچی (آئی این پی) کراچی کے علاقے گلشن معمار جنجال گوٹھ کے قریب لکڑی کی پیٹی بنانے والے گودام میں لگنے والی آگ پر 4 گھنٹے بعد قابو پا لا گیا ، علاقہ مکین کہتے ہیں فائر بریگیڈ روایتی تاخیر سے پہنچی جس کی وجہ سے گودام میں رکھا قیمتی سامان جل کر راکھ ہو گیا ۔ سپرہائی وے جنجال گوٹھ کے قریب لکڑی کی پیٹی بنانے والے گودام میں اچانک آگ بھڑک اٹھی ، دھوئیں کے کالے بادل دیکھ کر علاقہ مکینوں نے فائر بریگیڈ کو طلب کیا ۔ علاقہ مکینوں کے مطابق فائر بریگیڈ کی گاڑیاں تاخیر سے پہنچی جس کے باعث آگ نے شدت اختیار کر لی ۔ فائر بریگیڈ کی 12 گاڑیوں نے 4 گھنٹے کی جدوجہد کے بعد آگ پر قابو پا لیا ۔ آگ لگنے سے کوئی جانی نقصان نہیں ہوا ۔ تاہم گودام مالکان کا قیمتی سامان جل کر راکھ ہو گیا ۔
خبرنامہ سندھ
کراچی: گودام میں آگ، قیمتی سامان جل کرراکھ
![](http://www.millat.com/wp-content/uploads/2016/06/fire-1.jpg)