خبرنامہ

کراچی:(ملت+اے پی پی) سابق ٹیسٹ کرکٹر باسط علی نے اپنے ہم عصر کرکٹر محمود حامد کو تھپڑ مارنے پر معافی مانگ لی ہے۔ سابق ٹیسٹ کرکٹر اور پاکستان ویمن کرکٹ ٹیم کے ہیڈ کوچ باسط علی نے ساتھی کرکٹر محمود حامد سے معافی مانگ لی ہے۔ باسط علی نے محمود حامد کو فون کرکے اپنے کئے پر شرمندگی کا اظہار کیا اور معافی بھی مانگی۔ سابق ٹیسٹ کرکٹر کا کہنا تھا کہ محمود حامد نے نجی ٹی وی چینل پر بیٹھ کر میرے بارے میں جو باتیں کیں اس پر مجھے غصہ آیا وہ میرے ساتھ کھیلے ہیں اور میرے جونیئر ہیں انہیں یہ باتیں زیب نہیں دیتیں تاہم میں نے ان کے ساتھ جو سلوک کیا وہ ایک جارحانہ رویہ تھا جس پر مجھے شرمندگی ہے اور میں اس پر محمود حامد سے معافی مانگتا ہوں۔