دورۂ نیوزی لینڈ ، عامر یامین کی قسمت چمکنے کا امکان روشن
لاہور:(ملت آن لائن) جنید خان کی عدم دستیابی کے بعد ڈومیسٹک کرکٹ میں عمدہ کارکردگی دکھانے والے آل راؤنڈر عامر یامین کی قسمت چمکنے کا امکان روشن ہوگیا۔ بنگلہ دیش پریمیئر لیگ میں شرکت جنید خان کو مہنگی پڑگئی، ہیئر لائن فریکچر کی وجہ سے پیسر دورۂ نیوزی لینڈ کیلیے دستیاب نہیں ہونگے،ڈاکٹرز نے انھیں ایک ماہ تک آرام کا مشورہ دیا ہے، اس صورتحال میں سلیکٹرز کو متبادل بولر کی تلاش ہے، ڈومیسٹک کرکٹ میں تسلسل کیساتھ عمدہ کارکردگی کا مظاہرہ کرنے والے آل راؤنڈر عامر یامین مضبوط امیدوار بن گئے ہیں، دوسری جانب اسپاٹ فکسنگ کیس میں 6 ماہ پابندی کی سزا پوری کرنے کے بعد ملکی سطح کے مقابلوں میں اچھا تاثر چھوڑنے والے محمد عرفان کے نام پر بھی غور کیا جا رہا ہے، طویل قامت پیسر گذشتہ سال ستمبر کے بعد کوئی انٹرنیشنل میچ نہیں کھیلے لیکن نیوزی لینڈ کی کنڈیشنزمیں میزبان ٹیم کیلیے مشکلات پیدا کرسکتے ہیں۔
سہیل خان کی بھی محدود اوورز کی کرکٹ میں کارکردگی اچھی رہی لیکن قبل ازیں ایک انٹرویو میں ہیڈ کوچ آرتھر کہہ چکے کہ پیسر اپنا بہترین وقت گزار چکے، 10 سال قبل ہی ان کی صلاحیتوں کا فائدہ اٹھانے کیلیے اچھی پلاننگ اور ٹریننگ دی جاتی تو بہتر ہوتا، اس لیے کوئی حتمی فیصلہ کرنے سے قبل اس وقت آسٹریلیا میں موجود مکی آرتھر سے حتمی رائے طلب کی جائیگی۔ یاد رہے کہ انجریز کا ریکارڈ رکھنے والے جنید نے رواں سال جنوری میں دورۂ آسٹریلیا کے دوران کم بیک کیا،انھوں نے والدہ کی وفات کے باعث وطن واپس آنیوالے عرفان کا خلا پُر کرنے کیلیے قومی ٹیم کو جوائن کیا تھا۔
خبرنامہ
دورۂ نیوزی لینڈ ، عامر یامین کی قسمت چمکنے کا امکان روشن
![](http://www.millat.com/wp-content/uploads/2017/12/1032542-amiryamin-1513802146-422-640x480.jpg)