شاداب خان بیٹنگ پرفارمنس پر خوش، ٹیم کی شکست پر مایوس
نیلسن:(ملت آن لائن) قومی آل راﺅنڈر شاداب خان نیوزی لینڈ کے خلاف بیٹنگ پرفارمنس پر خوش لیکن ٹیم کی شکست پر مایوس ہیں۔ نیلسن میں میڈیا سے بات کرتے ہوئے انہوں نے کہا کہ ابتدائی وکٹیں جلد گرنے کے بعد ٹیم کو رنز کی ضرورت تھی خوشی کی بات ہے کہ میں نے ففٹی بنائی، حسن علی نے بھی ٹوٹل بہتر بنانے میں اہم کردار کیا۔ انہوں نے کہا کہ نیٹ میں پریکٹس سیشنز کا فائدہ اٹھاتے ہیں، اس لئے میچ میں اچھے اسٹروکس کھیلنے میں کامیاب ہوتے ہیں، کنڈیشنز مشکل ہونے کی وجہ سے بولنگ میں کارکردگی توقعات کے مطابق نہیں رہی، امید ہے اگلے میچز میں بہتر پرفارم کریں گے۔