برسبین: (ملت+اے پی پی) پاکستان ٹیم کے مڈل آرڈر بیٹسمین شعیب ملک گلے میں انفیکشن کی وجہ سے میچ میں شرکت نہ کر سکے جس کے بعد ان کی جگہ محمد حفیظ کو موقع دیا گیا۔ آسٹریلیا کے خلاف پہلے ایک روزہ میچ میں قومی ٹیم کے تجربہ کار بلے باز شعیب ملک گلے کے انفیکشن کے باعث شرکت نہ کر سکے جس کے بعد ان کی جگہ محمد حفیظ کو ٹیم میں شامل کیا گیا جبکہ محمد عرفان کی وطن واپسی کے بعد ٹیم کوجوائن کرنے والے جنید خان کو پلیئنگ الیون کا حصہ نہیں بنایا گیا۔ پاکستان اسکواڈ میں کپتان اظہر علی، شرجیل خان، محمد حفیظ، بابر اعظم، عمر اکمل، محمد رضوان، عماد وسیم، محمد نواز، محمد عامر، وہاب ریاض اور حسن علی شامل ہیں۔ کینگروز کی پلیئنگ الیون ڈیوڈ وارنر، میتھیو ویڈ، ٹریوس ہیڈ، کپتان اسٹیون اسمتھ، کرس لین، شان مارش، گلین میکسویل، جیمز فالکنر، پیٹ کمنز، مچل سٹارک اور بلی سٹین لیک پر مشتمل ہے۔
خبرنامہ
شعیب ملک گلے میں انفیکشن کے باعث میچ نہ کھیل سکے
![](http://www.millat.com/wp-content/uploads/2017/01/708399-malikweb-1484295402-571-640x480-1.jpg)