فیڈریشن:(ملت+اے پی پی) آف انٹرنیشنل کرکٹرز ایسوسی ایشن (فیکا) نے سیکیورٹی وجوہات کی بنا پر غیر ملکی کھلاڑیوں کو لاہور میں پی ایس ایل کا فائنل نہ کھیلنے کی تجویز دی ہے۔ رپورٹ میں پلیئرزکو تنبیہہ کی گئی ہے کہ پاکستان میں سیکیورٹی مسائل تاحال موجود ہیں جبکہ سخت حفاظتی انتظامات کے باوجود کھلاڑیوں کی حفاظت کی کوئی گارنٹی نہیں دی جا سکتی۔ رپورٹ میں بتایا گیا ہے کہ پاکستان میں دہشتگردی کی کارروائیاں تاحال جاری ہیں اور ماضی میں غیرملکی شہریوں کو براہ راست نشانہ بنایا جاتا رہا ہے، پلیئرز اپنی انشورنس پالیسی پر بھی غور کریں، پاکستان جانے کی وجہ سے کہیں ان کی پالیسی ہی ختم نہ کر دی جائے۔ اگرچہ انٹرنیشنل کرکٹرز ایسوسی ایشن کے کسی کھلاڑی کو کسی ملک میں کھیلنے سے روکنے کا اختیار نہیں تاہم اس کی جاری کردہ رپورٹ کھلاڑیوں، انکے ایجنٹوں اور پلیئرز ایسوسی ایشنز کو بھیجی جاتی ہے۔ رپورٹ کے بعد ممکن ہے کہ مختلف ممالک کے کرکٹ بورڈ اور پلیئرز کی ڈومیسٹک ٹیمیں انہیں پاکستان میں کھیلنے کیلئے این او سی جاری نہ کریں۔ پاکستان سپر لیگ کے دوسرے ایڈیشن کا آغاز 9 فروری سے یو اے ای میں ہو رہا ہے جبکہ فائنل 7 مارچ کو کھیلا جائے گا۔ پی سی بی ایگزیکٹیو کمیٹی کے چیئرمین نجم سیٹھی چند روز قبل کہہ چکے ہیں کہ فائنل لاہور میں کروایا جائے گا اور اس حوالے سے بورڈ کو حکومت کی حمایت حاصل ہے۔
خبرنامہ
فیکا کی غیرملکی پلیئرزکولاہورمیں پی ایس ایل فائنل نہ کھیلنے کی تجویز
![](http://www.millat.com/wp-content/uploads/2017/01/705743-psl-1484042574-758-640x480.png)