خبرنامہ

کرائسٹ چرچ (ملت + آئی این پی)پاکستان اور نیوزی لینڈ کے درمیان پہلا ٹیسٹ شیڈول کے مطابق 17 نومبر کو ہوگا ، قومی ٹیم نے زلزلے سے متاثرہ شہر کرائسٹ چرچ میں بھرپور پریکٹس کی ۔ قومی کرکٹرز نیوزی لینڈ میں آنے والے خوفناک زلزلے کو بھلا کر پہلے ٹیسٹ کی تیاریوں میں مصروف ہیں ۔ کرکٹرز نے کرائسٹ چرچ میں شیڈول کے مطابق بیٹنگ اور باؤلنگ کے شعبے میں پریکٹس کی ۔ نیوزی لینڈ بورڈ کے سربراہ ڈیوڈ وائٹ پہلے ہی کہہ چکے ہیں کہ زلزلے اور سونامی کے باعث پاک کیوی ٹیسٹ سیریز متاثر نہیں ہوگی اور دونوں ٹیمیں مقررہ شیڈول کے مطابق میچز کھیلیں گی ۔