لندن (ملت + آئی این پی) کوئٹہ گلیڈی ایٹرز کی ٹیم میں شامل انگلش کھلاڑی کیون پیٹرسن کا کہنا ہے کہ پی ایس ایل فائنل کے لیے لاہور نہ آنے کے فیصلے کا عمران خان کے بیان سے کوئی تعلق نہیں ہے۔ پاکستان سپر لیگ کا رنگا رنگ میلہ لاہور کے قذافی اسٹیڈیم میں کامیابی کے ساتھ اختتام پذیر ہوا، ایونٹ میں غیر ملکی کھلاڑیوں کی موجودگی نے پی ایس ایل کو چار چاند لگادیے تاہم کچھ غیر ملکی کرکٹرز نے سیکیورٹی خدشات کے باعث پاکستان آنے سے انکار کردیا تھا جن میں انگلش کھلاڑی کیون پیٹرسن بھی شامل ہیں۔ گزشتہ روز کیون پیٹرسن نے ویڈیو جاری کی جس میں انہوں نے لاہور میں پی ایس ایل کا فائنل نہ کھیلنے کے بارے میں بے بنیاد خبروں کی تردید کرتے ہوئے کہا ہے کہ انہوں نے پاکستان نہ جانے کا فیصلہ اپنے خاندان سے مشاورت کے بعد کیا، لاہور نہ آنے کے فیصلے کا عمران خان کے بیان سے کوئی تعلق نہیں ہے درحقیقت وہ اور ان کے اہلخانہ ایونٹ شروع ہونے سے پہلے ہی پاکستان نہ جانے کا فیصلہ کرچکے تھے۔
خبرنامہ
پی ایس ایل فائنل نہ کھیلنے کا عمران خان کے بیان سے کوئی تعلق نہیں ہے، کیون پیٹرسن
![](http://www.millat.com/wp-content/uploads/2017/03/kevin_pietersen.jpg)