لاہور (ملت + آئی این پی) پاکستان سپر لیگ (پی ایس ایل)کے فائنل میچ میں موسیقی کا رنگ بکھیرنے کیلئے ڈی جے ولی سنز کی خدمات حاصل کر لی گئی۔تفصیلات کے مطابق پاکستان سپر لیگ کے آخری معرکے کی تیاریاں زور شور سے جاری ہیں اور قذافی سٹیڈیم کی تزئین و آرائش مکمل ہوچکی ہے جبکہ سیکیورٹی کے تمام انتظامات کو بھی حتمی شکل دی جا چکی ہے شائقین کرکٹ کی تفریح کا مزہ دوبالا کرنے کیلئے مشہور ڈی جے ولی اینڈ سنز کی خدمات حاصل کرلی گئی ہیں جو فائنل میچ میں موسیقی کا رنگ بکھیریں گے۔ تحریک انصاف کے جلسوں میں میوزک کا تڑکہ لگانے والے ڈی جے ولی سنز نے پی ایس ایل کے فائنل کا بھی کنٹریکٹ حاصل کرلیا ہے۔ذرائع کے مطابق ڈی جے ولی سنز 25 ملازمین کو سیکیورٹی پاسز جاری کردیئے گئے ہیں اوران کی ٹیم قذافی سٹیڈیم لاہورپہنچ چکی ہے، میدان میں 100 ساؤنڈ سپیکر، 30 ہارن اور 700 لائٹس بھی لگائی گئی ہیں۔
خبرنامہ
پی ایس ایل کے فائنل میچ میں ڈی جے ولی سنز کی خدمات حاصل کر لی گئی
![](http://www.millat.com/wp-content/uploads/2017/03/dj-wali-band.jpg)