خبرنامہ

پیرس (ملت + اے پی پی) امریکی منڈیوں میں گندم کا ریٹ گرنے کی وجہ سے یورپین گندم کے نرخ بھی گہنا گئے۔پیرس میں یورو نیکسٹ منڈی میں ماہ مئی کے لئے ملوں کے لئے گندم کے سودے 0.7 فیصد کمی کے ساتھ 174.50 یورو میں طے ہوئے۔یورپی فارم یونین ’’کوپاکو گیکا‘‘کے مطابق رواں سیزن کے دوران گندم کی بوائی کا رقبہ کم ہو جانے کی وجہ سے یورپ کے 28 ملکی بلاک میں گندم کی پیداوار کم تاہم مستحکم 296.6 ملین ٹن رہے گی۔انہوں نے بتایا کہ گندم کی بوائی کے رقبہ میں1.8 فیسد کمی آئی ہے۔فرانس اجناس کی اعلی پیداوار دینے والا یورپ کا اول نبر ملک ہے۔جرمنی کے شہر ہمبرگ میں اجناس کی مرکزی منڈی میں روان ماہ کے لئے اعلی معیار کی گندم 177 یورو فی ٹن جا رہی ہے۔