دنیا نیوز کو موصول غیر حتمی اور غیر سرکاری نتائج کے مطابق پی کے 12 اپر دیر سے ایم ایم اے کے امیدوار عنایت اللہ 22327 ووٹ حاصل کر کے کامیاب رہے۔

بلوچستان اسمبلی کے حلقہ پی بی 44 پنجگور ایک سے سابق وزیرِاعلیٰ میر عبدالقدوس بزنجو کامیاب رہے، انہوں نے اپنے مخالف امیدواروں کے مقابلے میں 7400 ووٹ حاصل کیے۔

غیر حتمی نتائج کے مطابق خیبر پختونخوا اسمبلی کے حلقہ پی کے 22 بونیر تین سے اے این پی کے امیدوار سردار حسین 21918 ووٹ حاصل کر کے کامیاب رہے۔

خیبر پختونخوا اسمبلی کے حلقہ پی کے 84 ہنگو دو سے پاکستان تحریکِ انصاف کے امیدوار محمد ظہور 8000 ووٹ لے کر کامیاب رہے۔

غیر حتمی اور غیر سرکاری نتائج کے مطابق خیبر پختونخوا کے حلقہ پی کے 9، سوات آٹھ سے پاکستان تحریکِ اںصاف کے امیدوار محمود خان 17251 ووٹ حاصل کر کے کامیاب قرار پائے ہیں۔

قومی اسمبلی کے حلقہ این اے 25 نوشہرہ ون سے پی ٹی آئی کے امیدوار اور سابق وزیرِاعلیٰ خیبر پختونخوا پرویز خٹک 61243 ووٹ حاصل کر کے کامیاب رہے۔

ٹنڈوالہ یار سے قومی اسمبلی کے حلقہ این اے 224 سے پاکستان پیپلز پارٹی کے امیدوار ذوالفقار بچانی غیر حتمی اور غیر سرکاری نتیجے کے مطابق 47081 ووٹ حاصل کر کے کامیاب رہے۔

پی کے 11 اپر دیر دو سے پاکستان پیپلز پارٹی کے امیدوار صاحبزادہ ثناء اللہ نے 18672 ووٹ حاصل کر کے کامیابی حاصل کی جبکہ ان کے مدمقابل ایم ایم اے کے امیدوار اعظم خان کے حصے میں 10395 ووٹ آئے۔

پی کے 10 اپر دیر ون سے پاکستان پیپلز پارٹی کے امیدوار ملک بادشاہ حالح 19030 ووٹ حاصل کر کے کامیاب رہے جبکہ ان کے مدمقابل ایم ایم اے کے امیدوار محمد علی نے 16001 ووٹ حاصل کیے۔

پی پی 284 لیہ پانچ سے آزاد امیدوار سید رفاقت علی گیلانی 22012 ووٹ حاصل کر کے کامیاب رہے جبکہ ان کے مدمقابل آزاد امیدوار ہاشم حسین 13102 ووٹ حاصل کر کے دوسرے نمبر پر رہے۔

پی پی 246 بہاولپور ٹو سے پاکستان تحریکِ انصاف کے امیدوار سمیع اللہ چودھری 40780 ووٹ حاصل کر کے کامیاب رہے جبکہ ان کے مدمقابل مسلم لیگ ن کے امیدوار 24413 ووٹ حاصل کر سکے۔

قومی اسمبلی کے حلقہ این اے 155 ملتان ٹو سے ملک محمد عامر ڈوگر 88567 ووٹ حاصل کر کے کامیاب رہے جبکہ ان کے مدمقابل ن لیگ کے امیدوار محمد طارق رشید 71456 ووٹ حاصل کر سکے۔

قومی اسمبلی کے حلقہ این اے 106 فیصل آباد 6 سے تحریک انصاف کے امیدوار نثار احمد 44437 ووٹ حاصل کر کے کامیاب رہے جبکہ ان کے مد مقابل ن لیگ کے امیدوار رانا ثناءاللہ خان 83843 ووٹ حاصل کر سکے اور شکست کا شکار ہوئے۔