خبرنامہ

اسلام آباد (ملت + آئی این پی) وزیراعظم محمد نوازشریف نے صوابی میں قیمتی جانی نقصان پر گہرے دکھ اور افسوس کا اظہار کرتے ہوئے کہا ہے کہ پاک فوج کے جوانوں نے فرائض کی ادائیگی میں جام شہادت نوش کیا،مسلح افواج جمہوری اقدار کے تحفظ کیلئے دہشتگردی کے خلاف لڑ رہی ہیں،دشمنوں کو ان کے مذموم عزائم میں کامیاب نہیں ہونے دیں گے،دہشتگردی کے مکمل خاتمے تک آپریشن ردالفساد جاری رہے گا۔منگل کو وزیراعظم محمد نوازشریف نے صوابی میں قیمتی جانی نقصان پر گہرے دکھ اور افسوس کا اظہار کیا۔وزیراعظم نے شہداء کے درجات کی بلندی کی دعا اور سوگوار خاندانوں سے اظہار ہمدردی کیا۔وزیراعظم نوازشریف نے دہشتگردی کے خلاف پاک فوج کے جوانوں کی بہادری کی تعریف کرتے ہوئے کہا کہ پاک فوج کے جوان ریاستی عملداری کو چیلنج کرنے والوں کا مقابلہ کر رہے ہیں،پاک فوج کے جوانوں نے فرائض کی ادائیگی میں جام شہادت نوش کیا،قوم کے تحفظ کیلئے جانیں دینے والے ہمارے اصل ہیرو ہیں۔انہوں نے کہا کہ مسلح افواج جمہوری اقدار کے تحفظ کیلئے دہشتگردی کے خلاف لڑ رہی ہیں،دشمنوں کو ان کے مذموم عزائم میں کامیاب نہیں ہونے دیں گے،دہشتگردی کے مکمل خاتمے تک آپریشن ردالفساد جاری رہے گا۔۔۔۔(خ م)