خبرنامہ

ناموس رسالت سے کھیلنے والی پارلیمنٹ پر لعنت بھیجتا ہوں، اسے اآگ لگا دوں گا.اس پارلیمنٹ سے استعفی دیتا ہوں شیخ رشید

لاہور(ملت آن لائن)عوامی مسلم لیگ کے سربراہ شیخ رشید نے قومی اسمبلی کی نشست سے مستعفی ہونے کا اعلان کر دیا۔ شیخ رشید نے یہ اعلان لاہور میں متحدہ اپوزیشن کے احتجاج کے دوران خطاب کرتے ہوئے کیا۔ شیخ رشید نے نہ صرف خود قومی اسمبلی سے استعفیٰ دینے کا اعلان کیا بلکہ پاکستان تحریک انصاف کے سربراہ عمران خان سے بھی مطالبہ کیا کہ وہ بھی ان کے ساتھ مستعفی ہونے کا اعلان کریں۔ شیخ رشید کا کہنا تھا کہ ‘میں اسمبلی سے استعفیٰ دیتا ہوں، عمران خان آؤ آپ بھی استعفیٰ دو۔’ یاد رہے کہ 2014 کے دھرنے کے دوران عمران خان نے قومی اسمبلی سے استعفے دینے کا اعلان کیا تھا جس کے بعد تحریک انصاف کے 31 ارکان قومی اسمبلی نے استعفے جمع کرائے تھے۔ ان میں سے صرف جاوید ہاشمی کا استعفیٰ منظور کیا گیا تھا جب کہ دیگر اراکان کے استعفوں کی تصدیق نہ ہونے پر اسپیکر قومی اسمبلی نے انہیں منظور نہیں کیا تھا۔ اس وقت عمران خان کے اعلان کے بعد شیخ رشید کا کہنا تھا کہ ‘جس دن عمران خان قومی اسمبلی سے استعفیٰ دیں گے میں بھی اسی دن ہی قومی اسمبلی سے استعفیٰ دے دوں گا۔’