خبرنامہ

برہان وانی کی شہادت نے تحریک آزادی کو نیا جذبہ دیا ، یہ کہنا غلط ہے کہ مقبوضہ کشمیر میں پاکستان سے حملہ آور آتے ہیں،کستان اور بھارت کو مذاکرات کا راستہ اختیار کرنا چاہئے،مظفر وانی کا بھارتی میڈیا کو انٹرویو
نئی دہلی (آئی این پی )مقبوضہ کشمیر میں بھارتی فوج کے ہاتھوں شہید ہونے والے نوجوان برہان وانی کے والد مظفر وانی نے کہا ہے کہ وزیراعظم نواز شریف نے اقوام متحدہ میں جو کہا اچھا لگا ، برہان وانی کی شہادت نے تحریک آزادی کو نیا جذبہ دیا ، یہ کہنا غلط ہے کہ مقبوضہ کشمیر میں پاکستان سے حملہ آور آتے ہیں۔بھارتی میڈیا کو انٹرویو دیتے ہوئیمظفر وانی نے کہا کہ وزیراعظم نواز شریف نے اقوام متحدہ میں جو کہا اچھا لگا ، برہان وانی کی شہادت نے تحریک آزادی کو نیا جذبہ دیا ۔انہوں نے کہا کہ بھگت سنگھ کو برطانوی دہشت گرد کہتے تھے لیکن بھارت اسے ہیرو مانتا تھا، کشمیر کا مسئلہ حل ہونے کے بعد برہان وانی کو بھی ہیرو قرار دیا جائے گا ۔برہان وانی کے والد نے وزیراعظم نواز شریف کی اقوام متحدہ میں تقریر کی تعریف کرتے ہوئے کہا کہ انہوں نے اقوام متحدہ میں جو کہا وہ پسند آیا ۔مظفر وانی نے مزید کہا کہ پاکستان اور بھارت کو مذاکرات کا راستہ اختیار کرنا چاہئے ۔مظفر وانی نے سوال کیا کہ اگر مقبوضہ کشمیر میں سرحد پار سے حملہ آور آتے بھی ہیں تو بھارتی فوج کیا کر رہی ہے ؟ انہوں نے کہا کہ برہان سے پہلے میرے بڑے بیٹے کو بھارتی فورسز نے ہلاک کیا ۔