خبرنامہ

کراچی؛ فورسز سے مقابلے میں انصارالشریعہ کے امیرسمیت 8 دہشتگرد ہلاک
کراچی کے علاقے رئیس اور آستانی گوٹھ میں رینجرز اور سی ٹی ڈی نے دہشتگردوں کے خلاف آپریشن کیا، جس میں 8 دہشت گرد ہلاک ہو گئے جبکہ 3 کو زخمی حالت میں گرفتار کر لیا گیا۔

کراچی: کراچی بڑی دہشت گردی سے بچ گیا، قانون نافذ کرنے والے اداروں کی کارروائی، رئیس اور آستانی گوٹھ میں رینجرز کی بھاری نفری نے علاقے کا گھراؤ کر کے آپریشن کیا۔ کارروائی کے دوران آٹھ دہشتگرد ہلاک جبکہ تین کو زخمی حالت میں گرفتار کر لیا گیا۔ رات کی تاریکی کا فائدہ اٹھاتے ہوئے کچھ دہشتگرد موقع سے فرار بھی ہو گئے، جن کی تلاش کیلئے علاقے میں سرچ آپریشن جاری ہے۔ آپریشن کے دوران دو رینجرز اہلکار اور سی ٹی ڈی کا ایک جوان زخمی ہو گیا۔ دہشتگردوں کے ٹھکانے سے اسلحہ، بارود اور دیگر سامان برآمد کر لیا گیا۔